تلنگانہ اور آندھراپردیش میں شدید گرمی کی لہر

حیدرآباد: دونوں تلگو ریاستوں تلنگانہ اور آندھراپردیش میں شدید گرمی کی لہر جاری ہے اور درجہ حرارت روز بروز نئی بلندیوں کو چھورہا ہے۔

دونوں ریاستوں کے کئی علاقوں میں دن کا درجہ حرارت معمول سے زائد درج کیا گیا۔شمالی مغربی ہواؤں کے زیر اثر کئی مقامات پر درجہ حرارت معمول سے چار تا پانچ ڈگری زائد درج کیاگیا ہے۔

گرمی سے بچنے کیلئے لوگ مختلف تدابیر اختیار کررہے ہیں اور ٹھنڈی مشروبات کے استعمال میں اضافہ ہوگیا ہے۔

محکمہ موسمیات نے کہا ہے کہ آئندہ ایک ہفتہ تک اسی طرح کی صورتحال کا امکان ہے۔