یمن میں فلسطین کی حمایت میں زبردست مظاہرے

صنعاء: حوثی گروپ کی حمایت کرنے والے ہزاروں یمنی شہریوں نے گزشتہ روز فلسطینیوں کی حمایت میں زبردست مظاہرہ کیا۔

مظاہرین نے امریکہ اور برطانیہ کی طرف سے حوثی حکام پر عائد پابندیوں کو مسترد کر دیا اور شمالی یمن پر فضائی حملوں کی شدید مذمت کی۔

یمنی مظاہرین نے فلسطین اور یمن کے جھنڈے لہرائے اور حوثی رہنماؤں کی تصاویر والے پلے کارڈز اٹھا رکھے تھے اور امریکہ اور اسرائیل کے خلاف نعرے لگائے۔

ایک مظاہرین حاتم المہقری نے کہا کہ "ہم سب غزہ کے مظلوم لوگوں کے ساتھ کھڑے ہیں اور ان کے دکھ بانٹنے کے لیے یہاں جمع ہوئے ہیں۔” مظاہرین نے کہا کہ ہماری شرکت یقینی طور پر فلسطین کے مسائل اور غزہ میں ہمارے بھائیوں کے بارے میں ہمارے مضبوط موقف کی عکاسی کرتی ہے۔

واضح رہے کہ اسرائیل اور حماس کے درمیان 7 اکتوبر 2023 کو تنازع شروع ہونے کے بعد سے حوثی باغیوں نے بحیرہ احمر میں اپنے حملے تیز کر دیے ہیں اور غزہ پر اسرائیلی حملے اور محاصرہ جلد سے جلد ختم کرنے کا مطالبہ کیا ہے۔