تلنگانہ بھر میں یوم شہیدان پولیس بڑے پیمانہ پر منایاگیا

حیدرآباد: تلنگانہ بھر میں یوم شہیدان پولیس بڑے پیمانہ پر منایاگیا۔ خدمات کی انجام دہی کے دوران جانوں کی قربانی دینے والے پولیس ملازمین اور عہدیداروں کویاد کیاگیا۔

ریاستی دارالحکومت حیدرآبادکے گوشہ محل میں منعقدہ اصل تقریب کے علاوہ ریاست کے تمام اضلاع میں یہ تقاریب بڑے پیمانہ پرمنائی گئیں جس میں ایس پیز اور پولیس کے دیگر عہدیداروں نے شرکت کی۔

انہوں نے یادگاروں پر پھول نچھاور کئے اور ان شہیدپولیس ملازمین اور عہدیداروں کی خدمات کو یاد کیا۔

انہوں نے کہاکہ نکسلائٹس کے حملہ اور دیگر واقعات میں کئی پولیس ملازمین نے اپنی جانوں کو قربان کیا ہے۔

ان تقاریب میں شہیدپولیس ملازمین کے ارکان خاندان نے بھی شرکت کی۔