جنوبی دہلی پولیس نے تین اشتہاری مجرموں کو گرفتار کیا
اس کے علاوہ ٹیم نے بدنام زمانہ مجرم چندرو عرف رومیو کو بھی پکڑا جو پولیس اسٹیشن امبیڈکر نگر کا اشتہاری مجرم ہے۔ اس کے خلاف پہلے چوری، چھیننے اور اسلحہ ایکٹ کے کل آٹھ مقدمات درج ہیں۔
نئی دہلی: مسلسل کوششوں کے بعد جنوبی ضلع کی پولیس ٹیم نے عدالت کے ذریعہ تین اشتہاری مجرموں کو گرفتار کرنے میں کامیابی حاصل کی ہے۔
ڈپٹی کمشنر آف پولیس (جنوبی) انکت چوہان نے آج بتایا کہ یہ گرفتاریاں 3 اور 4 ستمبر کو پولیس اسٹیشن ڈیفنس کالونی اور پولیس اسٹیشن سی آر پارک کی ٹیموں نے کی تھیں۔
خفیہ اطلاع کی بنیاد پر تھانہ ڈیفنس کالونی کی ٹیم نے مدنگیر سے 64 سالہ خاتون کو گرفتار کر لیا۔ یہ خاتون پہلے بھی چوری کے ایک مقدمے میں ملوث رہی ہے اور عدالت کی جانب سے اشتہاری مجرم قرار دی گئی تھی۔
اس کے علاوہ ٹیم نے بدنام زمانہ مجرم چندرو عرف رومیو کو بھی پکڑا جو پولیس اسٹیشن امبیڈکر نگر کا اشتہاری مجرم ہے۔ اس کے خلاف پہلے چوری، چھیننے اور اسلحہ ایکٹ کے کل آٹھ مقدمات درج ہیں۔
اس دوران پولیس اسٹیشن سی آر پارک کی ٹیم نے ہریانہ کے گروگرام علاقے میں چھاپہ مار کر سمیر (33) کو گرفتار کرلیا۔ وہ عدالت سے بھی مفرور تھا اور اس کے خلاف پانچ فوجداری مقدمات درج ہیں۔
پولیس کے مطابق تینوں ملزمین کو ساکیت عدالت نے مفرور قرار دیا تھا۔
