ساؤتھ زون ای این ٹی سرجنز کانفرنس 2024: جدید تکنیکوں پر تبادلہ خیال

حیدرآباد: تلنگانہ کی نویں اور ساؤتھ زون کی 19ویں ای این ٹی سرجنز کانفرنس 2024 کا انعقاد 18 سے 20 اکتوبر کے درمیان خوبصورت آلانکریتا ریزورٹ، حیدرآباد میں کیا جا رہا ہے۔ اس کانفرنس کا عنوان "بنیاد اور اس سے آگے” ہے، جہاں فطرت اور ثقافت سائنس اور ٹکنالوجی سے ملتے ہیں۔

اس پروقار تقریب کا انعقاد دی ایسوسی ایشن آف آٹولرینگولوجسٹ آف انڈیا، ساؤتھ زون کے زیر اہتمام کیا جا رہا ہے، جس میں آندھرا پردیش، تلنگانہ، تمل ناڈو، کیرالہ اور کرناٹک سمیت ہندوستان کی پانچ جنوبی ریاستوں سے 1000 سے زائد مندوبین کی شرکت متوقع ہے۔

کانفرنس کا مقصد ای این ٹی شعبے میں پروفیشنلز کے درمیان تعاون اور علم کے اشتراک کو فروغ دینا ہے۔ اس میں عملی ورکشاپس، ماہرین کی کلیدی نشستیں، تقریریں اور انٹرایکٹو پینل مباحثے شامل ہوں گے، جس سے شرکاء کو جدید تکنیکوں اور پیشرفت پر جامع معلومات فراہم کی جائیں گی۔ کانفرنس کا ایک اور اہم پہلو روایتی پریکٹس اور جدید ٹکنالوجی کو یکجا کرنا ہے تاکہ شرکاء کو سیکھنے کا منفرد تجربہ حاصل ہو۔

آرگنائزنگ کمیٹی اس اہم کانفرنس میں شرکت کرنے والے معزز فیکلٹی ممبران، انڈسٹری لیڈرز اور پریکٹیشنرز کا گرمجوشی سے خیرمقدم کرنے کے لیے تیار ہے۔