تلنگانہ اسمبلی سیشن کا کل سے آغاز

حیدرآباد:  تلنگانہ اسمبلی کا خصوصی سیشن ہفتہ 9 دسمبر کو 11 بجے دن شروع ہوگا۔ اس ضمن میں گزٹ اعلامیہ جاری کیاگیاہے۔ تلنگانہ میں کانگریس کی نئی حکومت کی تشکیل کے بعد یہ پہلا سیشن ہوگا جس کاآغاز کل 11 بجے دن سے ہوگا۔

 ریاستی گورنر ڈاکٹر تمیلی سائی سوندرا راجن راج بھون میں ہفتہ کو 8:30 بجے صبح اکبر الدین اویسی کو عبوری اسپیکر کا حلف دلائیں گے۔ عبوری اسپیکر اکبر اویسی نو منتخب ارکان کو حلف دلائیں گے۔ اسمبلی سیشن کے التواء کے بعد چیف منسٹر اے ریونت ریڈی‘احاطہ اسمبلی سے آر ٹی سی بسوں میں خواتین کے مفت سفر اسکیم کا افتتاح کریں گے۔