دہلی میں زلزلے کے شدید جھٹکے محسوس کئے گئے

نئی دہلی: دہلی اور این سی آر میں زلزلے کے جھٹکے محسوس کیے گئے ہیں۔ زلزلے کی شدت 6.2 بتائی گئی ہے۔ اتر پردیش اور اتراکھنڈ میں بھی زلزلے کے جھٹکے محسوس کیے گئے ہیں۔

نیشنل سیسمولوجی سینٹر نے کہا کہ زلزلے کا مرکز نیپال تھا۔نیشنل سیسمولوجی سینٹر نے بتایا کہ نیپال میں آج دوپہر 2 بجکر 25 منٹ پر زلزلہ آیا۔

دہلی-این سی آر میں زلزلے کے جھٹکوں کی شدت بہت زیادہ تھی۔ ایسے میں لوگ گھروں اور دفاتر سے باہر نکل آئے۔ نیشنل سیسمولوجیکل سینٹر نے بتایا کہ زلزلے کی شدت 6.2 تھی اور اس کا مرکز نیپال میں پانچ کلومیٹر کی گہرائی میں تھا۔