وزیراعلی تلنگانہ کی قیامگاہ کے سامنے طلبہ کااحتجاج

حیدرآباد: تلنگانہ کے وزیراعلی ریونت ریڈی کی قیامگاہ کے سامنے کل شب تقریبا 200طلبہ نے احتجاج کیا۔

ان مظاہرین نے کہا کہ کالج میں کم حاضری کی وجہ سے کالج انتظامیہ انہیں ہال ٹکٹ نہیں دے رہاہے۔

سوریا پیٹ، سدی پیٹ، نلگنڈہ اور حیدرآباد کے طلبہ نے اس احتجاج میں حصہ لیا۔

ان کے والدین کا کہنا تھا کہ چونکہ کالجوں میں سینکڑوں طلبہ کیلئے ایک یا دو بائیو میٹرک مشینیں ہی ہیں، اس لیے تمام طلبہ کی حاضری کو ان مشینوں کے ذریعہ یقینی نہیں بنایاجاسکا۔

پولیس نے انہیں بتایا کہ وہ وزیر اعلیٰ سے ملاقات نہیں کرسکتے کیونکہ آدھی رات ہو چکی ہے۔

انہیں صبح دس بجے کے بعد آنا چاہئے۔ مظاہرین نے وزیراعلیٰ سے ان کا مسئلہ حل کرنے کا مطالبہ کیا۔