نیشنل ڈیفنس اکیڈمی کے پہلی بیچ سے 17 خواتین کیڈٹس کی کامیابی۔ چندرابابو کا تاریخی لمحہ قرار

حیدرآباد: وزیر اعلیٰ آندھراپردیش چندرابابو نائیڈو نے نیشنل ڈیفنس اکیڈمی (این ڈی اے) کے پہلے بیچ سے 17 خواتین کیڈٹس کے کامیابی کے ساتھ فارغ التحصیل ہونے کو ملک کے لئے ایک تاریخی لمحہ قرار دیا ہے۔

انہوں نے کہا کہ لڑکیوں کو مواقع فراہم کرنے سے نہ صرف وہ اپنی راہ میں حائل رکاوٹوں کو عبور کرتی ہیں بلکہ آنے والی نسلوں کے لئے بھی کامیابی کی نئی تعریف وضع کرتی ہیں۔

وزیر اعلیٰ نے ملک کی خدمت کا عظیم مقصد رکھنے والی ان کیڈٹس کو دل کی گہرائیوں سے مبارکباد دی۔

چندرابابو نے کہا کہ یہ ایک فخر کا لمحہ ہے کہ ہماری مسلح افواج کو مضبوط بنانے کے ساتھ ساتھ، مساوی مواقع کی فراہمی کے عزم کو بھی مزید تقویت دی جا رہی ہے۔