سدرشن ٹی وی چینل کا ایڈیٹر مکیش کمار گرفتار

گروگرام: ہمیشہ اشتعال انگیزی میں مصروف رہنے والے سدرشن ٹی وی چینل کے ایک ایڈیٹر کو پولیس نے گرفتار کرلیا ہے۔

سدرشن نیوز ٹی وی چینل کے منیجنگ ایڈیٹر مکیش کمار کو ہریانہ کے نوح اور ملحقہ اضلاع میں فرقہ وارانہ تشدد سے متعلق سوشل میڈیا پر اشتعال انگیزی پھیلانے پر پولیس نے گرفتار کرلیا ہے۔

مکیش کمار کو گروگرام سائبر اسٹیشن ایسٹ پولیس نے گرفتار کیا۔

نوح میں 31 جولائی کو وشوا ہندو پریشد کے جلوس پر حملے کے بعد پھوٹ پڑنے والے فرقہ وارانہ تشدد میں چھ افراد مارے گئے تھے۔

مکیش کمار نے ایک ٹویٹ کرتے ہوئے کہا تھا کہ گروگرام پولیس قطری نیوز چینل الجزیرہ کے کہنے پر ہریانہ میں ہندو نوجوانوں کی اندھادھند گرفتاریاں عمل میں لارہی ہے۔