شادی سے انکارپر نوجوان کی خودکشی

حیدرآباد: شادی سے لڑکی کے انکار پر نوجوان نے پھانسی لے کر خودکشی کرلی۔یہ واقعہ تلنگانہ کے ضلع نظام آباد میں پیش آیا۔

تفصیلات کے مطابق ضلع کے اروندھتی نگر سے تعلق رکھنے والا 24سالہ پرمود کمارپینٹر کے طورپر کام کرتا تھا۔

وہ کچھ عرصہ سے ایک لڑکی سے محبت کرتاتھا اور اس سے شادی کرنا چاہتا تھا تاہم لڑکی نے اس سے شادی کرنے سے انکار کردیا جس پر اس نے اپنے مکان میں پھانسی لے کرخودکشی کرلی۔

اس واقعہ کی اطلاع پر پولیس وہاں پہنچی جس نے لاش کو پوسٹ مارٹم کے لئے بھیج دیا اور اس سلسلہ میں ایک معاملہ درج کرکے جانچ شروع کردی۔