چندرابابوکے مقدمات سی بی آئی منتقل کرنے کی درخواست سپریم کورٹ میں مسترد

حیدرآباد: سپریم کورٹ نے آندھراپردیش کے وزیراعلی چندرابابو نائیڈو کے خلاف سی آئی ڈی کے مقدمات سی بی آئی کو منتقل کرنے کی درخواست کو خارج کر دیا۔

ہائی کورٹ کے وکیل بی بالیا نے سات مقدمات سی بی آئی کو منتقل کرنے کی درخواست دائر کی تھی جس پر جسٹس بیلا ترویدی کی زیرقیادت عدالت عظمی کی بنچ نے برہمی کا اظہار کرتے ہوئے کہا کہ یہ پوری طرح سے جھوٹی درخواست ہے۔

جسٹس بیلا ترویدی نے خبردار کیا کہ اگر کسی نے درخواست کے بارے میں ایک لفظ بھی کہا تو بھاری جرمانہ عائد کیا جائے گا۔بنچ نے اس پر شدید برہمی کااظہار کرتے ہوئے ا س درخواست کو مسترد کردیا۔