جگن کے اقتدار میں بجلی اور آرٹی سی کرایوں میں اضافہ:شرمیلا

حیدرآباد: آندھراپردیش کانگریس کی سربراہ وائی ایس شرمیلا نے الزام لگایا کہ ریاست میں جگن کے اقتدار میں آنے کے بعد، بجلی کے چارجس میں سات گنا اور آر ٹی سی بس کرایوں کے چارجس میں پانچ گنا اضافہ کیا گیا۔

انہوں نے ضلع چتور کے مختلف علاقوں میں روڈشوز منعقد کرتے ہوئے وائی ایس آرکانگریس حکومت پر شدید نکتہ چینی کی۔انہوں نے کہاکہ جگن نے گذشتہ اسمبلی انتخابات کے موقع پرکہا تھاکہ مکمل شراب بندی تک وہ ووٹ نہیں مانگیں گے ۔

تاہم انہوں نے اپنے وعدہ کا احترام نہیں کیا اور ریاست میں شراب کی دکانات کی تعداد میں اضافہ ہوا۔نہوں نے اسے چوروں اورڈکیتوں کی حکمرانی سے تعبیر کیا۔انہوں نے کہاکہ ہر طرف مافیااورغنڈہ گردی میں اضافہ ہوا ہے۔