طاہر بن حمدان نے صدرنشین اردو اکیڈیمی کا جائزہ حاصل کرلیا

حیدرآباد: صدرنشین تلنگانہ اردو اکیڈیمی کی حیثیت سے کانگریس کے سینئر قائد طاہر بن حمدان نے منگل کے روز عہدہ کا جائزہ حاصل کرلیا۔ اس سلسلہ میں ایک تقریب حج ہاؤزمیں واقع اردو اکیڈیمی کے دفتر میں منعقد کی گئی۔ اس موقع پر صدرنشین تلنگانہ وقف بورڈ سید عظمت اللہ حسینی کے علاوہ دیگرموجود تھے۔

طاہر بن حمدان نے اس موقع پر ذرائع ابلاغ کے نمائندوں کو بتایاکہ وہ تلنگانہ میں اردو زبان کی ترقی و فروغ کے لئے اقدامات کریں گے۔ اس سلسلہ میں اردو داں اصحاب دیگر سے مشورے حاصل کئے جائیں گے۔

 انہوں نے کہاکہ وہ کانگریس قائد سونیاگاندھی، چیف منسٹر ریونت ریڈی،ڈپٹی چیف منسٹر بھٹی وکرامارکا و دیگر قائدین کاشکریہ ادا کرتے ہیں جنہوں نے مجھے اس عہدہ پر فائز کیاہے۔