یونیفارم اتارکر اسسٹنٹ سب انسپکٹر نے ٹرین کے آگے چھلانگ لگاکر خودکشی کرلی

حیدرآباد: یونیفارم اتارکر ایک اسسٹنٹ سب انسپکٹر نے ٹرین کے سامنے کودکر خودکشی کرلی۔یہ واقعہ آندھراپردیش کے ضلع کڑپہ میں پیش آیا۔اس اے ایس آئی کی شناخت ناگرجن کے طورپر کی گئی ہے۔ اس کی لاش پٹریوں پر پائی گئی۔ ناگارجن ریڈی کملاپورم پولیس اسٹیشن میں بطور اے ایس آئی خدمات انجام دے رہا تھا۔

 رات کی ڈیوٹی کے بعد وہ صبح گھر کے لیے روانہ ہوا۔ راستے میں اس نے ٹرین کے سامنے کودکر خودکشی کرلی۔ اطلاع ملنے پر پولیس نے مقام واقعہ کا معائنہ کیا۔ موت کی وجہ ابھی تک معلوم نہیں ہو سکی ۔ ریلوے پولیس نے مقدمہ درج کرکے لاش کو پوسٹ مارٹم کے لیے سرکاری اسپتال منتقل کردیا۔