تلنگانہ:آٹوموبائل کے نقلی پرزے فروخت کرنے والے گروہ کے 5ارکان گرفتار

حیدرآباد: آٹوموبائل کے نقلی پرزے فروخت کرنے والے گروہ کے 5ارکان کو پولیس نے گرفتار کرلیا۔ پولیس نے بتایا کہ یہ افراد نقلی پرزوں کو برینڈیڈ کمپنیوں کے پرزوں کے اسٹیکرس لگاتے ہوئے فروخت کررہے تھے۔

پولیس نے ان کے قبضہ سے تقریبا 50لاکھ روپئے مالیت کے پرزے ضبط کرلئے۔سائبرآباد ایس او ٹی پولیس نے یہ کارروائی کی۔

پولیس نے میڑچل ملکاجگری ضلع کی بعض آٹوموبائل دکانات پر چھاپے بھی مارے۔

پولیس نے بتایا کہ ہونڈا، بجاج اور ہیرو برینڈیڈ کمپنیوں کے نقلی اسٹیکرس تیار کرتے ہوئے نقلی پرزوں پر لگاتے ہوئے ان کو فروخت کرنے کاکام یہ افراد کررہے تھے۔

دہلی، ہریانہ سے نقلی آٹوموبائل اسپیر پارٹس حاصل کرتے ہوئے برینڈیڈ کمپنیوں کے اسٹیکرس ان پر لگاتے ہوئے ان کو فروخت کرنے کاکام کیاجارہا تھا۔

حیدرآباد، ورنگل، سدی پیٹ اضلاع میں یہ افراد سرگرم تھے اور اپنے نقلی اسپیرپارٹس فروخت کررہے تھے۔ پولیس نے باوثوق ذرائع کی اطلاع پر یہ کارروائی کی۔