تلنگانہ:آوارہ کتوں کے حملہ میں ضعیف خاتون کی موت

حیدرآباد: آوارہ کتوں کے حملہ میں ضعیف خاتون کی موت ہوگئی۔یہ واقعہ تلنگانہ کے ضلع کاماریڈی میں پیش آیا۔

یہ خاتون جس کی شناخت لچاپیٹ سے تعلق رکھنے والی 60سالہ رماوا کے طورپر کی گئی ہے، اپنے گھر کے باہر بیٹھی ہوئی تھی کہ کتوں نے اس پر اچانک حملہ کردیا۔

اس حملہ کے نتیجہ میں یہ خاتون شدید طورپرزخمی ہوگئی۔اس کی چیخ وپکار سن کر مقامی افراد جمع ہوگئے جنہوں نے کتوں کو وہاں سے بھگادیا۔

اس خاتون کو شدید زخمی حالت میں علاج کے لئے اسپتال منتقل کیاگیا تاہم ڈاکٹرس نے اس کامعائنہ کرتے ہوئے اس کو مردہ قراردیا۔مقامی افرادنے کتوں کے حملوں کے واقعات کی روک تھام کا مطالبہ کیا۔