تلنگانہ بند:سنگباری میں بجاج شوروم اور ٹفن سنٹر کو نقصان

حیدرآباد: تلنگانہ میں مقامی بلدی اداروں میں بی سی طبقات کو42فیصد ریزرویشن کی فراہمی کے مطالبہ پرسیاسی جماعتوں اور پسماندہ طبقات کی مختلف تنظیموں پر مشتمل جوائنٹ ایکشن کمیٹی کی جانب سے تلنگانہ بندکے موقع پر کشیدگی دیکھی گئی

کیونکہ نلہ کنٹہ میں بعض افرادنے کھلے بجاج شوروم اور راگھویندرا ٹفن سنٹر پر بڑے سمنٹ کے بلاکس پھینکے،جس کے نتیجہ میں شورووم کے سامنے کے حصہ کو نقصان پہنچا اور شیشے ٹوٹ کربکھرگئے۔

سنگباری میں ٹفن سنٹر کوبھی نقصان پہنچا۔ پٹرول پمپ پر بی سی کارکنوں نے حملہ کیا اور پٹرول کی مشینوں کو نقصان پہنچایا۔ اس واقعہ کی اطلاع ملتے ہی مقامی پولیس موقع پر پہنچی اور حالات کو قابو میں کیا۔