تلنگانہ: نہر کی مرمت کے لئے کھودے گئے گڑھے میں گرکر بائیک سوارہلاک
جیسے ہی اطلاع ملی، جائے حادثہ پر جے سی بی کے ذریعہ رمیش کی لاش اور بائیک نکالی گئی۔لاش کو بھونگیر ضلع اسپتال منتقل کیا گیا۔ مقامی افرادکا کہنا ہے کہ سڑک پر کوئی بھی وارننگ یا خبردار کرنے والے نشانات نہ ہونے کی وجہ سے یہ حادثہ پیش آیا۔
حیدرآباد: تلنگانہ کے یادادری بھونگیرضلع کے بھونگیر کے مضافات میں بسوا پورم پراجکٹ سے متعلق نہر کی مرمت کے لیے کھودے گئے بڑے گڑھے میں گرنے سے بائیک سوار ہلاک ہوگیا۔یہ واقعہ کل شب پیش آیا۔
پولیس نے مہلوک کی شناخت بھونگیر کے رہنے والے کے رمیش کے طور پر کی گئی ہے۔بھونگیر بائی پاس، حیدرآباد۔ورنگل قومی شاہراہ پر بسوا پورم پراجکٹ سے مختلف مواضعات جانے والی نہر کی مرمت کے لئے روڈ پر گڑھا کھودا گیا تھا۔ اسی گڑھے میں رمیش بائیک سمیت گر گیا۔
جیسے ہی اطلاع ملی، جائے حادثہ پر جے سی بی کے ذریعہ رمیش کی لاش اور بائیک نکالی گئی۔لاش کو بھونگیر ضلع اسپتال منتقل کیا گیا۔ مقامی افرادکا کہنا ہے کہ سڑک پر کوئی بھی وارننگ یا خبردار کرنے والے نشانات نہ ہونے کی وجہ سے یہ حادثہ پیش آیا۔
دوسری جانب رمیش کے ارکان خاندان نے اس کے قتل کا شبہ ظاہر کیا۔پولیس نے اس سلسلہ میں ایک معاملہ درج کرکے جانچ شروع کردی۔
