تلنگانہ بی جے پی لیڈرراج گوپال ریڈی جمعہ کو کانگریس میں شامل ہوجائیں گے

حیدرآباد: بی جے پی لیڈرکومٹ ریڈی راج گوپال ریڈی جمعہ کو کانگریس میں شامل ہوجائیں گے جنہوں نے گذشتہ روز زعفرانی جماعت سے استعفی دے دیاتھا۔

ذرائع کے مطابق راج گوپال ریڈی دہلی پہنچ گئے ہیں۔وہ کل قومی دارالحکومت میں کانگریس کے صدر ملکارجن کھرگے اور پارٹی کے سینئر لیڈر راہل گاندھی کی موجودگی میں کانگریس میں شامل ہوجائیں گے۔

بتایاجاتا ہے کہ ان کو منوگوڑو اسمبلی حلقہ سے کانگریس امیدوار بنائے گی۔ذرائع کے مطابق اے آئی سی سی کے جنرل سکریٹری کے سی وینوگوپال سے ان کی بات چیت ہوئی ہے۔

بتایاجاتا ہے کہ راج گوپال ریڈی سمیت بعض دیگر لیڈران بھی کانگریس میں شامل ہوجائیں گے۔