تلنگانہ: سوریاپیٹ میں بس، کنٹینرسے ٹکراگئی۔ 40مسافرین محفوظ

حیدرآباد: تلنگانہ کے ضلع سوریاپیٹ میں پرائیویٹ ٹراویلس کی بس، کنٹینرسے ٹکراگئی تاہم اس حادثہ میں بس میں سوار تمام 40مسافرین محفوظ رہے۔

یہ حادثہ ضلع کے منوگالامُدالا تالاب کے قریب اُس وقت پیش آیا جب پرائیویٹ ٹراویلس کی بس کے ڈرائیور نے اس کا توازن کھودیا اوریہ بس،کنٹینرلاری سے ٹکراگئی۔یہ حادثہ اتناشدید تھا کہ بس کے کیبن میں ڈرائیورپھنس کرشدید طورپرزخمی ہوگیا۔

تقریبا ایک گھنٹہ کی جدوجہد کے بعد ڈرائیور کو نکالا جاسکا۔حادثہ کے وقت بس میں 40مسافرین تھے جو محفوظ رہے۔