تلنگانہ:بس کنٹہ میں جاگری،40طلبہ محفوظ

حیدرآباد: تلنگانہ کے ضلع وقارآباد میں ایک پرائیویٹ اسکول کی بس کنٹہ میں گرگئی تاہم اس میں موجود طلبہ محفوظ رہے۔

تفصیلات کے مطابق 40 بچوں کے ساتھ یہ بس جارہی تھی کہ بس کے ڈرائیور نے اس کا توازن کھودیا جس کے نتیجہ میں یہ بس سڑک کے کنارے واقع کنٹہ میں گرگئی۔

اس حادثہ کے ساتھ ہی مقامی افراد نے فوری چوکسی کا مظاہرہ کرتے ہوئے طلبہ کو بس سے نکالتے ہوئے بچانے میں کامیابی حاصل کی۔

بس ڈرائیور نے کہاکہ بس کا اسٹیرنگ مناسب طورپر کام نہیں کررہا تھا جس کے سبب یہ حادثہ پیش آیا۔