گنیش مورتیوں کا کامیاب وسرجن، وزیراعلی تلنگانہ کی مبارکباد

حیدرآباد: دارلحکومت حیدرآباد اور تلنگانہ کے دیگر علاقوں میں گنیش کی مورتیوں کاوسرجن پرامن طریقہ سے مکمل ہونے پر وزیراعلیٰ ریونت ریڈی نے مسرت کا اظہار کیا۔

اس موقع پر وزیراعلیٰ نے ایک بیان جاری کیا جس میں کہا گیا کہ نو روز تک گنیش کی پوجا اورنوراتری کوئی بھی ناخوشگوار واقعہ کے بغیرپُرامن طورپر گزرجانے پر وہ بہتر فرائض انجام دینے والے پولیس، بلدیہ،ریونیو، بجلی، ٹرانسپورٹ، پنچایت راج اور دیگر محکموں کے عہدیداروں و عملہ، فیسٹیول کمیٹیوں کے منتظمین اورشردھالووں کو اُن کی خدمات پر مبارکباد دی پیش کرتے ہیں۔

وزیراعلیٰ نے حیدرآباد شہر میں لاکھوں مورتیوں کے وقت پر ٹینک بند سمیت دیگر مقامات پروسرجن کے پروگرام کو پرامن اور منظم طریقہ سے مکمل کرنے میں تعاون کرنے والے شہریوں کی بھی ستائش کی۔