تلنگانہ: چُڑی دار گینگ نے خواتین کا لباس پہن کر فلیٹ میں کی چوری

حیدرآباد: خواتین کا لباس پہن کر فلیٹ میں چوری کی واردات انجام دی گئی تاکہ چوروں کی شناخت نہ کی جاسکے۔

یہ واردات حیدرآباد کے ایس آرنگر کی زیڈ کالونی کے ایک فلیٹ میں انجام دی گئی۔

فلیٹ کے مالک وینکٹیشورراو نے پولیس سے اس خصوص میں کی گئی شکایت میں کہا کہ ان کے فلیٹ سے قفل شکنی کے ذریعہ چوروں نے چارتولے کے طلائی زیورات کے علاوہ ایک لاکھ روپئے نقد رقم اور ایک لیاپ ٹاپ کی چوری کرلی۔

اس شکایت کی بنیاد پر پولیس نے ایک معاملہ درج کرلیا۔

پولیس نے اپارٹمنٹ کے سی سی ٹی وی کیمروں کے فوٹیج کا تجزیہ کیا تو یہ حیرت انگیز انکشاف ہوا کہ خواتین کا لباس پہن کر یہ واردات انجام دی گئی۔پولیس نے اس سی سی ٹی وی فوٹیج کی بنیاد پر چوروں کی تلاش شروع کردی۔