تلنگانہ: کانسٹیبل نے خاتون کا سی پی آر کرتے ہوئے جان بچائی

حیدرآباد: اے آر کانسٹیبل نے خاتون کا سی پی آر کرتے ہوئے اس کی جان بچائی جو دل کا دورہ پڑنے کی وجہ سے گرکربے ہوش ہوگئی تھی۔

یہ واقعہ تلنگانہ کے راجنا سرسلہ ضلع میں پیش آیا۔اس خاتون جس کی شناخت انوہیا کے طورپر کی گئی ہے، اپنے باپ کی موت کی اطلاع پر دل کا دورہ پڑنے سے فرش پر گرگئی۔

اس پر اس کے ارکان خاندان نے چیخ وپکار شروع کردی۔اسی دوران کانسٹیبل سرینواس جو وہاں سے گذررہا تھا نے خاتون کے مکان پہنچ کر اس کا سی پی آرکرتے ہوئے اس کی جان بچائی۔

بعد ازاں خاتون کو گاڑی میں قریبی اسپتال منتقل کیاگیا۔ ضلع ایس پی اکھل مہاجن نے کانسٹیبل سرینواس کو مبارکباد دی جس نے سی پی آر کا مظاہرہ کرتے ہوئے خاتون کی جان بچائی۔

سرینواس تنگلا پلی پولیس اسٹیشن میں خدمات انجام دے رہا ہے۔