تلنگانہ انتخابات: کانگریس اور بی آرایس کے کارکنوں میں بحث وتکرار

حیدرآباد: تلنگانہ کے ضلع منچریال میں چینور منڈل میں کانگریس اور بی آرایس کے کارکنوں میں بحث وتکرار ہوگئی۔

بی آرایس امیدوار بلکاسمن کی آمد کے پیش نظرحکمران جماعت کے کارکنوں نے کانگریس کی انتخابی مہم کو روک دیا۔اس موقع پر دونوں جماعتوں کے کارکنوں میں بحث وتکرار ہوگئی۔

وہاں موجود پولیس نے کانگریس کی انتخابی تشہیری گاڑی کو روک دیااور اس کو واپس بھیج دیا۔اس واقعہ پر برہم کانگریسی کارکنوں نے نعرے بازی کی۔

کانگریس کارکنوں نے پولیس کے رویہ کو نامناسب قراردیا اور کہا کہ پولیس جانبداری کامظاہرہ کررہی ہے اورروڈی شیٹ کھولنے کی دھمکی دی جارہی ہے۔