تلنگانہ انتخابات۔ریونت ریڈی کی پروفیسر کودنڈارام سے ملاقات

حیدرآباد: تلنگانہ کانگریس پارٹی کے سربراہ ریونت ریڈی نے تلنگانہ جناسمیتی کے سربراہ پروفیسرکودنڈارام سے ملاقات کی۔

یہ ملاقات نامپلی میں تلنگانہ جناسمیتی کے دفتر میں ہوئی۔ تلنگانہ اسمبلی انتخابات میں اتحاد یا حمایت کے مسئلہ پر تبادلہ خیال کیا گیا۔

حال ہی میں کودنڈارام نے کانگریس کے سینئرلیڈر راہل گاندھی اور صدر ملکارجن کھرگے سے ملاقات کی تھی۔ کانگریس اور جناسمیتی تلنگانہ اسمبلی انتخابات میں ایک ساتھ کام کرنے کے لیے پرعزم ہیں۔

انہوں نے کہا کہ راہل نے ان سے کہا کہ وہ انتخابات میں ان کی حمایت کریں۔ کودنڈارام نے کہا کہ راہل گاندھی نے اس رائے کا اظہار کیا کہ تلنگانہ میں مطلق العنان حکمرانی ختم ہونی چاہئے۔

انہوں نے کہاکہ راہل گاندھی نے ان کی رائے سے اتفاق کیا کہ تلنگانہ میں آمرانہ راج ختم ہونا چاہئے۔اس ملاقات کے دوران تلنگانہ کی موجودہ سیاسی صورتحال پر تبادلہ خیال کیاگیا۔

انہوں نے کہا کہ ایک بار پھر راہل کی ٹیم ان سے بات چیت کرے گی۔