تلنگانہ انتخابات: ریونت ریڈی منگل سے ریاست میں بڑے پیمانے پر انتخابی مہم چلائیں گے

حیدرآباد: تلنگانہ کانگریس کے صدر ریونت ریڈی کل سے ریاست میں بڑے پیمانے پر انتخابی مہم چلائیں گے۔ کل عالم پور میں جلسہ سے خطاب کریں گے۔

وہ گدوال اور مکتھل میں بھی انتخابی مہم چلائیں گے۔ بدھ کو وہ خانہ پور، عادل آباد اور ظہیر آباد حلقوں میں پارٹی کی جانب سے انتخابی مہم چلائیں گے۔

اس کے بعد وہ بالترتیب پالکورتی، سکندرآباد اور صنعت نگر میں انتخابی مہم چلائیں گے۔اس ماہ کی 10 تاریخ کو کاماریڈی میں انتخابی مہم چلائی جائے گی۔

کرناٹک کے وزیر اعلیٰ سدا رمیا بھی کانگریس امیدواروں کے لیے مہم چلائیں گے۔ ریونت ریڈی ہفتہ کو بیلم پلی، راما گنڈم اور دھرما پوری حلقوں میں کانگریس امیدواروں کے حق میں انتخابی مہم چلائیں گے۔