تلنگانہ:ایم پی ڈی او آفس میں ملازمین ہیلمٹ پہن کر اپنی ڈیوٹی پر حاضر ہوئے

حیدرآباد: تلنگانہ کے ضلع جگتیال کے بیر پور منڈل کے منڈل پریشد ڈیولپمنٹ آفس(ایم پی ڈی او) میں ملازمین ہیلمٹ پہن کر اپنی ڈیوٹی پر حاضر ہوئے کیونکہ وہ خستہ حال عمارت میں کام کرتے ہیں۔

عمارت سے بعض چھوٹے چھوٹے حصے اکثر گرنے کی وجہ سے ملازمین اپنی جان بچانے کے لیے اس طریقہ کار پر عمل پیرا ہیں۔

ایم پی ڈی او آفس نو تشکیل شدہ بیر پور منڈل میں ایک پرائیویٹ عمارت میں قائم کیا گیا تھا لیکن حکام نے عمارت کی حالت کی نشاندہی نہیں کی جس کی وجہ سے ملازمین کو اسی عمارت میں ایسی صورتحال میں کام کرناپڑرہا ہے۔

ا س عمارت میں گروہالکشمی درخواستوں کے لیے باہر ایک خصوصی کاؤنٹر قائم کیا گیا ہے۔