تلنگانہ: محبت میں ناکامی، نوجوان کی سیلفی ویڈیو کے بعد خودکشی

حیدرآباد: ایک نوجوان نے محبت میں ناکامی کے باعث خودکشی کر لی۔ یہ واقعہ تلنگانہ کے ورنگل ضلع کے چناراوپیٹ منڈل میں پیش آیا۔

تفصیلات کے مطابق دھرماتانڈہ کارہنے والا21 سالہ مہیش پچھلے کچھ مہینوں سے ایک لڑکی سے محبت کر رہا تھا۔ تاہم حالیہ دنوں میں معلوم ہوا کہ اس کے گھر والے اس کے لئے رشتہ طے کر رہے ہیں۔ یہ خبر جان کر مہیش شدید ذہنی دباؤ کا شکار ہو گیااورخودکشی کرلی۔

مہیش نے کیڑوں کے زہر کا استعمال کرتے ہوئے سیلفی ویڈیو ریکارڈ کی، جو اس وقت سوشل میڈیا پر وائرل ہو رہی ہے۔
خاندان کے افراد نے مہیش کو فوری طور پر اسپتال پہنچایا، مگر علاج کے دوران اس کی موت ہو گئی۔

واقعہ کے بعد پولیس نے خاندان کی شکایت پر مقدمہ درج کر کے جانچ شروع کر دی ہے۔ مہیش کی موت کے بعد علاقہ میں غم کی فضا چھا گئی ہے۔