تلنگانہ:گیلی فصل خریدنے کامطالبہ، کسانوں کا راستہ روکو احتجاج

حیدرآباد: بے موسم بارش کے سبب گیلی ہوئی فصل کو خریدنے کا حکومت سے مطالبہ کرتے ہوئے تلنگانہ کے ضلع کاماریڈی میں کسانوں نے راستہ روکو احتجاج کیا۔

انہوں نے کلکٹر پر زوردیا کہ وہ اس بات کی یقین دہانی کروائے تاہم کلکٹر کے نہ پہنچنے پر کسانوں نے احتجا ج میں شدت پید اکردی جس کے نتیجہ میں تمام گاڑیاں سڑک پر رک گئیں۔

دوسری طرف کاماریڈی مین روڈ پر کسانوں نے سڑک پر اناج ڈال کر احتجاج کیا۔

انہوں نے نعرے لگاتے ہوئے مطالبہ کیا کہ حکومت فوری ان کی مدد کیلئے آگے آئے۔

انہوں نے مطالبہ کیا کہ بارش سے نقصان ہونے والے کسانوں کو معاوضہ دیا جائے۔

کسانوں کے دھرنے کی وجہ سے سڑکوں پر جگہ جگہ گاڑیاں رک گئیں۔