تلنگانہ: تلاشی مہم کے دوران 3.09کروڑروپئے مالیت کا سوناضبط

حیدرآباد: تلنگانہ اسمبلی انتخابات کے پیش نظر پولیس نے تلاشی مہم میں شدت پیدا کردی ہے۔دستاویزات کے بغیر منتقلی کی جانے والی نقد رقم اور سونے کو ضبط کیاجارہا ہے۔

تازہ طورپر ضلع جنگاوں کے رگھوناتھ پلی منڈل کے کوملاٹول پلازہ کے قریب چلائی جارہی تلاشی مہم کے دوران 5.4کلو سونا ضبط کیاگیاجس کی مالیت تقریبا3.09کروڑروپئے ہے۔

پولیس نے یہ بات بتائی۔ آج صبح 6 بجے سے 11 بجے تک 5 لاکھ 17 ہزارروپئے نقدی ضبط کی گئی۔

انتخابی ضابطہ اخلاق کے نفاذ سے لے کر آج تک جنگاوں پولیس نے دو کروڑ 31 لاکھ سات ہزار 970 روپے نقد ضبط کیے ہیں۔

تاحال 12,475.35 لیٹر شراب ضبط کی گئی ہے۔ آج 6 بیلٹ شاپس کے خلاف مقدمات درج کیے گئے ہیں اور اب تک جملہ127 مقدمات درج کیے گئے ہیں۔پولیس نے اب تک 47 افراد کو گرفتار کرکے جیل بھیج دیا گیا ہے۔