شطرنج کھلاڑی پرنیت کو تلنگانہ حکومت 2.5 کروڑ روپئے دے گی

حیدرآباد: چیف منسٹر کے چندر شیکھر راؤ نے تلنگانہ کے شطرنج کھلاڑی اپلا پرنیت کو گرینڈ ماسٹر کا خطاب حاصل کرنے پر مبارکباد دیتے ہوئے 2.5 کروڑ روپے کی رقم سے نوازنے کا فیصلہ کیا ہے۔ چیف منسٹر کے دفتر کی ایک ریلیز کے مطابق پرنیت کو یہ رقم ٹریننگ اور دیگر اخراجات کے لیے دی جائے گی۔

راؤ نے کہا کہ پرنیت (16) کی لگن اورمحنت نے انہیں گرینڈ ماسٹر بنایا ہے۔ انہوں نے امید ظاہر کی کہ پرنیت مزید بلندیوں تک پہنچیں گے اور مستقبل میں تلنگانہ اور ہندوستان کا نام روشن کریں گے۔ وزیر اعلیٰ نے کہا کہ ریاستی حکومت پرنیت کی خواہشات کو پورا کرنے میں ہر قدم پر ان کے ساتھ تعاون کرے گی۔

دریں اثنا، مسٹر راؤ نے شطرنج چیمپئن ویرلاپلی نندیتا کو ‘خواتین کینڈیڈیٹ ماسٹر’ بننے پر 50 لاکھ روپے دینے کا اعلان کیا۔ انہوں نے 19 سالہ نندیتا کو عالمی شطرنج فیڈریشن کی جانب سے اس خطاب سے نوازے جانے پر مبارکباد دی۔ انہوں نے نندیتا کے لئے بین الاقوامی سطح پر نئی بلندیوں کو چھونے کی خواہش کی۔