مودی،10 لاکھ ملازمتوں کو پُر کرنے کے پابند عہد: کشن ریڈی

حیدرآباد: مرکزی وزیر کشن ریڈی نے کہا ہے کہ وزیراعظم مودی، دس لاکھ ملازمتوں کو پُرکرنے کے پابند عہد ہیں۔انہوں نے دہلی سے ویڈیوکانفرنس کے ذریعہ روزگار میلہ سے خطاب کرتے ہوئے کہاکہ موجودہ طورپر 3.60 ملازمتوں کو پہلے ہی پُرکرلیاگیا ہے۔

انہوں نے روزگارمیلہ کے تحت سرکاری محکمہ جات میں نوتقرر شدہ افراد کو مودی کی جانب سے حوالے کئے جانے والے تقررناموں کی تقسیم کی سکندرآباد میں سوامی وویکانند انسٹی ٹیوٹ آف ٹکنالوجی کے آڈیٹوریم میں تقریب سے دہلی سے ویڈیو کانفرنس کے ذریعہ خطاب کرتے ہوئے کہا کہ مودی، دیئے گئے نشانہ کے مطابق مخلوعہ ملازمتوں کو پُرکرنے کا عزم رکھتے ہیں۔

 تاہم بعض قانونی مسائل کے سبب اس میں تاخیر ہورہی ہے۔انہوں نے کہا کہ تلنگانہ میں ہم نے پیپر لیک معاملہ کودیکھاجس سے ملازمتوں پرتقرر میں رکاوٹ پیداہوئی۔وزیراعظم نے مہارت پرمبنی ملازمت کوترجیح دی ہے۔انہوں نے کہا کہ ملک کے لئے آئندہ 25برس اہم ہیں۔