اے پی کی نئی حکومت سے تلنگانہ حکومت بہتر تعلقات بنائے گی: وزیراعلی

حیدرآباد: وزیراعلی تلنگانہ ریونت ریڈی نے کہا ہے اے پی میں جلد بننے والی نئی حکومت کے ساتھ تلنگانہ حکومت بہتر تعلقات بنائے گی۔

نئی حکومت کے ساتھ تعاون کے ذریعہ وہ دونوں تلگوریاستوں تلنگانہ اور آندھراپردیش کی ترقی کیلئے مساعی کریں گے اوردونوں ریاستوں کے مسائل حل کرنے کی کوشش کی جائے گی۔

انہوں نے زوردیتے ہوئے کہا کہ تلنگانہ حکومت کی جانب سے نئی حکومت کے تعاون سے تروملا میں کلیانامنڈپم، گیسٹ ہوزکی تعمیر کو بھی یقینی بنایاجائے گا۔

انہوں نے کہا کہ کانگریس کے دورمیں ریاست میں کسان خوش ہیں۔

انہوں نے اپنے افراد خاندان کے ساتھ آج اے پی کے تروملا میں اپنے ارکان خاندان کے ساتھ درشن کے بعد میڈیا سے بات کرتے ہوئے واضح کیا کہ ریاست میں پانی کے مسائل حل کئے گئے۔

انہوں نے نشاندہی کرتے ہوئے کہا کہ تلنگانہ اورآندھراپردیش کے عوام کی خوشحالی اوران ریاستوں کی ترقی کے لئے درشن کیاگیا۔