تلنگانہ ہائی کورٹ کی جج ایس نندا کا میدک چرچ کا دورہ
اس کی تعمیر میں شامل ہونے والے مقامی افرادکی محنت اور عزم نے اس چرچ کو ایک تاریخی ورثہ بنا دیا ہے۔ اس چرچ کے منتظمین اس کی تاریخی اہمیت اور ثقافتی ورثہ کو محفوظ رکھنے میں سرگرم ہیں۔
حیدرآباد: تلنگانہ ہائی کورٹ کی جج ایس نندا نے ایشیا کے بڑے چرچوں میں سے ایک میدک کے چرچ کا دورہ کیا۔ان کا شاندار استقبال ڈسٹرکٹ جج نیلم، ضلع کلکٹر راہول راج اور ایس پی سرینواس راؤ نے کیا۔
جج نے چرچ میں خصوصی دعائیہ اجتماع میں شرکت کی۔ چرچ کے منتظمین نے چرچ کی اہمیت اور اس کی تاریخ سے ان کوواقف کروایا۔ اس موقع پر جسٹس نندا نے مسرت کااظہار کیا۔
انہوں نے چرچ کا تفصیلی دورہ کرتے ہوئے دیگر تفصیلات بھی حاصل کی۔ اس چرچ کی تعمیر 1914 میں شروع ہوئی اور 25 دسمبر 1924 کو اس کو عبادت کیلئے کھول دیاگیا۔
یہ چرچ نہ صرف عبادت کا مرکز ہے بلکہ مقامی کمیونٹی کے لئے ثقافتی اور روحانی اہمیت بھی رکھتا ہے۔
اس کی تعمیر میں شامل ہونے والے مقامی افرادکی محنت اور عزم نے اس چرچ کو ایک تاریخی ورثہ بنا دیا ہے۔ اس چرچ کے منتظمین اس کی تاریخی اہمیت اور ثقافتی ورثہ کو محفوظ رکھنے میں سرگرم ہیں۔
