تلنگانہ: بیوی کا گلا گھونٹ کر شوہر نے قتل کردیا
حالیہ دنوں میں ریشما کی ایک اور شخص سے دوستی ہوگئی تھی۔ جب شوہر نے اس بات کو محسوس کیا تو اس نے بیوی کو سمجھانے کی کوشش کی، مگر ریشما کے رویہ میں کوئی تبدیلی نہیں آئی۔ اس سبب دونوں کے درمیان مسلسل جھگڑے ہونے لگے۔
حیدرآباد: تلنگانہ کے ضلع ورنگل میں بیوی کا گلا گھونٹ کر شوہر نے قتل کردیا ۔ضلع کے بالاجی نگر یہ ایک افسوسناک واقعہ پیش آیا۔بیوی کی مبینہ ناجائز تعلقات پر برہمی کا اظہار کرتے ہوئے شوہر نے اس کا گلا گھونٹ کر قتل کردیا۔
اطلاعات کے مطابق ریشما، جو بالاجی نگر کی ساکن ہے، نے اتر پردیش سے تعلق رکھنے والے ریتیش سنگھ سے محبت کی شادی کی تھی۔ ان دونوں کے دو بچے بھی ہیں۔
حالیہ دنوں میں ریشما کی ایک اور شخص سے دوستی ہوگئی تھی۔ جب شوہر نے اس بات کو محسوس کیا تو اس نے بیوی کو سمجھانے کی کوشش کی، مگر ریشما کے رویہ میں کوئی تبدیلی نہیں آئی۔ اس سبب دونوں کے درمیان مسلسل جھگڑے ہونے لگے۔
کچھ دن قبل ریشما گھر چھوڑ کر اسی شخص کے ساتھ چلی گئی تھی اور ایک ہفتہ بعد واپس لوٹی۔ اس پر برہمی میں آکر شوہر نے اس کا گلا دبا کر قتل کردیا۔
پولیس کو اطلاع ملتے ہی وہ موقع واردات پر پہنچی اور لاش کو پوسٹ مارٹم کے لیے ایم جی ایم اسپتال منتقل کیا۔
