تلنگانہ: رقص کرتے ہوئے دل کا دورہ پڑنے سے انٹرمیڈیٹ کی طالبہ کی موت

حیدرآباد: کالج کے فریشرس ڈے کے موقع پر رقص کرتے ہوئے دل کا دورہ پڑنے سے انٹرمیڈیٹ کی طالبہ کی موت ہوگئی۔ یہ واقعہ تلنگانہ کے ضلع کریم نگر میں پیش آیا۔

مقامی افراد کے مطابق ضلع کے گنگادھرا منڈل کے نیالکونڈاپلی گورنمنٹ آدرش کالج میں اسی منڈل کے گنڈو انجیا کی بیٹی 16سالہ پردیپتی، انٹرسال اول میں تعلیم حاصل کررہی تھی۔

جمعہ کو کالج میں فریشرس ڈے کے دوران پردیپتی اپنی سہیلیوں کے ساتھ رقص کررہی تھی کہ اچانک وہ گرپڑی۔

فوری طورپر کالج کے طبی عملے نے سی پی آر کیا لیکن کوئی فائدہ نہیں ہوا اور اسے کریم نگر کے سرکاری اسپتال منتقل کیاگیا جہاں ڈاکٹروں نے اس کی موت کی تصدیق کی۔

پردیپتی کے دل میں چھوٹی عمر سے ہی سوراخ تھا اور ڈاکٹروں نے اس کا آپریشن کرنے کا مشورہ دیاتھا۔

والدین سرجری کے متحمل نہیں تھے۔