تلنگانہ: لاری سے تقریبا دو کروڑروپے مالیت کی شراب ضبط

حیدرآباد: تلنگانہ کے ضلع محبوب نگر میں ایک لاری سے بڑے پیمانہ پر شراب ضبط کی گئی جس کی مالیت تقریبا دو کروڑروپئے ہے۔

پولیس نے بتایا کہ یہ غیر مجاز شراب بنگالورو سے حیدرآباد منتقل کی جارہی تھی تاہم تلاشی مہم کے دوران اس شراب کو ضبط کرلیاگیا۔

پولیس نے اس سلسلہ میں ایک معاملہ درج کرلیا۔انتخابات کے پیش نظر رقم اور شراب کی منتقلی کو روکنے کے لئے بڑے پیمانہ پر پولیس اورانتخابی حکام کی جانب سے اقدامات کئے گئے ہیں۔

اسی کے حصہ کے طورپرتلاشی مہم میں شدت پیدا کردی گئی ہے۔