تلنگانہ کے وزیرپونم پربھاکر نے وزیراعلی اوردیگر کو بی سی طبقات کو ریزرویشن کی پیشرفت سے واقف کروایا

حیدرآباد: تلنگانہ کے وزیربی سی ویلفیر پونم پر بھاکر نے اتوار کو وزیر اعلیٰ اے ریونت ریڈی، نائب وزیراعلی ملو بھٹی وکرمارکا اور پی سی سی صدر مہیش کمار گوڑ کو ریاستی حکومت کی جانب سے مقامی بلدی اداروں کی انتخابات میں بی سی طبقات کے لئے42 فیصد ریزرویشن نافذ کرنے کی منظوری اور اس سلسلہ میں سپریم کورٹ میں دائر کی گئی عرضی کے بعد ہونے والی تازہ ترین پیشرفت سے واقف کروایا۔

بعدازاں، پی سی سی کے صدر مہیش کمار گوڑ، بھٹی وکرمارکا، وزراء پونم پر بھاکر اور وی سری ہری نے حیدرآباد میں اے آئی سی سی انچارج میناکشی نٹراجن سے ملاقات کی۔ انہوں نے انہیں ریاستی حکومت کے موقف اور سپریم کورٹ کے فیصلہ کے 42 فیصد بی سی ریزرویشن پر اثرات کے بارے میں واقف کروایا۔