تلنگانہ کے وزیرسریدھربابو نے حادثہ میں زخمی شخص کی اسپتال منتقلی کو یقینی بنایا

حیدرآباد: انسانیت کی بہترین مثال پیش کرتے ہوئے تلنگانہ کے وزیرانفارمیشن ٹکنالوجی سریدھربابو نے حادثہ میں زخمی شخص کی اسپتال منتقلی کو یقینی بنایا۔

تفصیلات کے مطابق کل رات تقریباً 9 بجے وزیر موصوف منتھنی حلقہ میں مختلف پروگراموں میں شرکت کے بعد کریم نگر کے لئے روانہ ہوئے۔

راستے میں پداپلی کے مضافات میں ایک بائیک سوار شدید سڑک حادثہ کا شکارہوکر زخمی حالت میں پڑا ہوا تھا جسے دیکھ کر وزیرموصوف نے اپنی گاڑیوں کے قافلہ کورکوایا۔

انہوں نے اپنی گاڑی سے نیچے اتر کراس کو دیکھا اور اپنے ساتھ موجود عملہ کے ذریعہ اس کو اسپتال روانہ کیا۔انہوں نے ساتھ ہی فون کے ذریعہ ڈاکٹرس سے بات کی اور اس شخص کے بہتر علاج کو یقینی بنانے کی ہدایت دی۔

بعد ازاں وہ وہاں سے روانہ ہوگئے۔