تلنگانہ: فیسٹیول کے لیے مزید اضافی بسیں چلانے مسافرین کامطالبہ

حیدرآباد: حکومت تلنگانہ کی جانب سے متعارف کردہ خواتین کو آرٹی سی بسوں میں مفت سفر کی سہولت سے استفادہ کرنے والی خواتین نے دسہرہ کی تعطیلات کے موقع پر زائد بس خدمات کا حکومت سے مطالبہ کیا ہے۔

تلنگانہ میں کانگریس کی حکومت کی تشکیل کے بعد سے ہی آرٹی سی بسوں میں خواتین کیلئے مفت سفر کی سہولت شروع کی گئی ہے تاہم تہواروں کے دوران آرٹی سی بسوں سے استفادہ کرنے والوں کی تعدادمیں اضافہ ہوجاتا ہے، اسی کے پیش نظرخواتین نے زائد بس خدمات یا زائد ٹرپس کا مطالبہ کیاہے۔

جگتیال اور کھمم بس اسٹینڈس پر بسوں کا انتظارکرنے والی خواتین نے افسوس کااظہار کرتے ہوئے کہاکہ نامناسب بس خدمات سے ان کو مشکلات کا سامنا کرناپڑرہا ہے۔

انہوں نے کہاکہ دسہرہ تہوار منانے کے لئے عوام کی بڑی تعداد حیدرآباد سے اپنے آبائی اضلاع سفرکرتی ہے، ایسے میں بس خدمات کے نامناسب ہونے سے ان کو مشکلات کا سامنا ہے۔

مسافر چاہتے ہیں کہ فیسٹیول کے لیے مزید اضافی بسیں چلائی جائیں۔