تلنگانہ پبلک سروس کمیشن کے دفتر کا محاصرہ۔ تلنگانہ جاگروتی کے کئی کارکن گرفتار
احتجاجیوں کا کہنا تھا کہ گروپ-1 کے امیدواروں کے ساتھ انصاف نہیں ہو رہا ہے اور ملازمتوں کے عمل میں تاخیر ہو رہی ہے۔اس احتجاج کے سبب کچھ دیر کیلئے کشیدگی پھیل گئی۔
حیدرآباد: تلنگانہ پبلک سروس کمیشن (ٹی ایس پی ایس سی) کے دفتر کو منگل کے روز تلنگانہ جاگروتی کے کارکنوں نے گروپ-1 کے امیدواروں کو انصاف دلانے اور جاب کیلنڈر کا اعلان کرنے کے مطالبہ کے ساتھ محاصرہ کیا۔
پولیس نے تلنگانہ جاگروتی کے کارکنوں کو گرفتار کرکے نامپلی اور دیگر مختلف پولیس اسٹیشنوں میں منتقل کیا۔
احتجاجیوں کا کہنا تھا کہ گروپ-1 کے امیدواروں کے ساتھ انصاف نہیں ہو رہا ہے اور ملازمتوں کے عمل میں تاخیر ہو رہی ہے۔اس احتجاج کے سبب کچھ دیر کیلئے کشیدگی پھیل گئی۔
ان کارکنوں نے ہاتھوں میں پلے کارڈس تھام کر اس احتجاج میں حصہ لیا۔انہوں نے کہا کہ اس امتحان میں بڑے پیمانہ پربے قاعدگیاں ہوئی ہیں۔ انہوں نے انتباہ دیا ہے کہ اگر جلد ہی گروپ-1 کے امیدواروں کے مسائل حل نہیں کئے گئے تو وہ احتجاج میں شدت پیدا کریں گے۔
تمام گرفتار افراد کو بعد ازاں رہا کر دیا گیا۔
