تلنگانہ: دل کا دورہ پڑنے سے آرڈی او کی موت

حیدرآباد: تلنگانہ کے ضلع عادل آباد میں کاغذنگر کے ریونیوڈیویثرنل آفیسر(آرڈی او) کی دل کا دورہ پڑنے سے موت ہوگئی۔ان کی عمر59سال تھی۔

راجیشور نے آج صبح تقریبا7.30بجے دل میں درد کی شکایت کی جس کے بعد ان کو فوری طورپر اسپتال منتقل کیاگیاتاہم ڈاکٹرس نے معائنہ کے بعد ان کو مردہ قراردیا۔

انہوں نے کاغذنگر میں تعیناتی سے پہلے اوٹنور کے آرڈی او کے طورپر بھی خدمات انجام دی تھیں۔

ان کے پسماندگان میں بیوی کے علاوہ ایک دختر اور دو فرزندان ہیں۔کلکٹر ہیمنت بورکاڈے نے آرڈی او کی موت پر گہرے دکھ کااظہار کرتے ہوئے ان کے غمزدہ ارکان خاندان سے تعزیت کااظہار کیا۔