تلنگانہ: سری رام ساگر ڈیم دیکھنے کے بعد واپسی کے دوران سڑک حادثہ، 4نوجوان شدید زخمی

حیدرآباد: تلنگانہ کے ضلع نظام آباد میں سری رام ساگر ڈیم کو دیکھنے کے بعد واپسی کے دوران پیش آئے سڑک حادثہ میں چار نوجوان شدید زخمی ہوگئے۔

یہ حادثہ اس وقت پیش آیا جب ان کی کار چلانے والے ایک نوجوان نے اس کا توازن کھودیا اور یہ کار ڈیم گھاٹ سے نیچے گرگئی۔

اس حادثہ میں زخمی چار نوجوانوں میں ایک کی حالت تشویشناک بتائی جاتی ہے۔ نرمل سے تعلق رکھنے والے چار افراد ڈیم گھاٹ کو دیکھ کر واپس ہورہے تھے کہ یہ واقعہ پیش آیا۔

اس حادثہ کی اطلاع کے ساتھ ہی پولیس وہاں پہنچ گئی جس نے زخمیوں کو علاج کے لئے نرمل کے سرکاری دواخانہ منتقل کردیا۔