تلنگانہ سکریٹریٹ کی نئی گیٹ تیار

حیدرآباد: تلنگانہ ریاستی سکریٹریٹ ڈاکٹر بی آر امبیڈکر کی نئی گیٹ تیار ہوگئی ہے۔

عہدیداروں نے بتایا کہ اسی نئے گیٹ سے وزیر اعلیٰ ریونت ریڈی، وزراء اور ایم ایل ایز آمد و رفت کریں گے۔

ماضی میں سکریٹریٹ کے اطراف چار بڑے گیٹ تھے، لیکن مشرقی جانب والے گیٹ کو مکمل طور پر بند کر کے وہاں گرِلز لگا دی گئی تھیں۔ اب اسی کے قریب نیا گیٹ تیار کیا گیا ہے۔

اس گیٹ کے سامنے گاڑیوں کی آمد و رفت کو آسان بنانے کے لیے نئی تارکول کی سڑک بھی بنائی جا رہی ہے۔