تلنگانہ: متحدہ میدک ضلع میں علحدہ علحدہ سڑک حادثات میں دو افراد ہلاک

حیدرآباد: تلنگانہ کے متحدہ میدک ضلع میں اتوار کی صبح پیش آئے علحدہ علحدہ سڑک حادثات میں دو افراد ہلاک ہوگئے۔

سنگاریڈی ضلع کے سدسیوا پیٹ تا مومن پیٹ روٹ پر ایک تیز رفتار کار کے آٹو سے ٹکرانے سے ایک شخص ہلاک ہوگیا اور دوسرا زخمی ہوگیا۔ آٹو میں دو افراد سفرکررہے تھے۔

مہلوک کی شناخت ناگاراجو کے طورپر کی گئی ہے جبکہ دوسرا زخمی ہو گیا۔دوسراحادثہ ککنورپلی پولیس اسٹیشن کے حدود میں پیش آیا۔اس حادثہ میں ایک شخص ہلاک ہوگیا جبکہ چار دیگر شدید زخمی ہو گئے۔

یہ حادثہ اُس وقت پیش آیا جب کار، ٹہری ہوی ڈی سی ایم وین سے ٹکراگئی۔ دو کی حالت تشویشناک بتائی جاتی ہے۔ پولیس نے انہیں علاج کے لیے سدی پیٹ کے سرکاری اسپتال منتقل کیا۔