خاتون نے تین بچوں کے ساتھ ڈیم میں چھلانگ لگا دی

حیدرآباد: تلنگانہ کے راجنا سرسیلا ضلع میں جمعہ کو ایک خاتون نے اپنے تین بچوں کے ساتھ مڈ منیر ڈیم میں چھلانگ لگا کر خود کشی کرلی۔

خاتون کی شناخت راجیتا کے طور پر ہوئی ہے۔ اس نے سات سالہ ایان، پانچ سالہ اسرا جبین اور 14 ماہ کے عثمان احمد کے ساتھ خودکشی کرلی۔

راجیتا، جس کا تعلق ویمولواڑا منڈل کے رودراورم گاؤں سے تھا، دس سال قبل کریم نگر کے محمد علی کے ساتھ محبت کی شادی کی تھی۔ جوڑے کے تین بچے تھے۔

خیال کیا جاتا ہے کہ خاتون نے اپنے شوہر کے ساتھ لڑائی کے بعد یہ انتہائی قدم اٹھایا۔

پولیس نے لاشیں برآمد کرکے پوسٹ مارٹم کے لیے بھیج دیں۔ انہوں نے مقدمہ درج کر کے مزید تفتیش شروع کر دی۔