تلنگانہ:خاتون کی مشتبہ حالت میں موت

حیدرآباد: تلنگانہ کے وقارآباد ضلع کے گڈی سنگھ پور میں ایک معمر خاتون کی مشتبہ حالت میں موت ہوگئی۔

یہ خاتون تنہارہاکرتی تھی کیونکہ اس کا کوئی رشتہ دار نہیں ہے۔ صبح دروازہ نہ کھلنے پر پڑوسیوں نے کافی جدوجہد کے بعد دروازہ کھولا۔

مکان کے اندر اس کی لاش موجود تھی۔ چہرے پر زخموں کے نشان کی وجہ سے شبہ کیاجارہا ہے کہ اس کا قتل کیاگیا۔

اطلاع ملتے ہی پولیس وہاں پہنچی جس نے لاش کو پوسٹ مارٹم کے لئے بھیج دیا اور اس سلسلہ میں ایک معاملہ درج کرکے جانچ شروع کردی۔