تلنگانہ: حالت نشہ میں گاڑی چلاتے ہوئے پکڑے جانے والے نوجوان نے سزا کے خوف سے خودکشی کرلی

حیدرآباد: حالت نشہ میں گاڑی چلاتے ہوئے پکڑے جانے والے نوجوان نے سزا کے خوف سے خودکشی کرلی۔
یہ واقعہ تلنگانہ کے ضلع کریم نگر کے چپہ ڈنڈی میں پیش آیا۔

اس نوجوان جس کی شناخت وجئے کے طورپر کی گئی ہے، اس ماہ کی پہلی تاریک کو ٹریفک پولیس کی جانب سے چلائی گئی اس مہم کے دوران پکڑاگیاتھا۔

اسے اس معاملہ میں ہفتہ کو عدالت میں حاضر ہونے کی پولیس نے ہدایت دی تھی۔

گزشتہ روز اسے جرمانہ کی سزادی گئی تھی۔اس نے جرمانہ کی رقم اداکرنے کیلئے رقم نہ ہونے پرسزا کے خوف سے خودکشی کرلی۔

اس کے ارکان خاندان نے آج صبح دیکھا کہ اس کی لاش پنکھے سے لٹکتی ہوئی پائی گئی۔اس بات کی اطلاع پولیس کو دی گئی جس نے وہاں پہنچ کر لاش کوپوسٹ مارٹم کے لئے بھیج دیا۔